Mese: Marzo 2024

Sa bida est una furriada de manu 

Sa bida est una furriada ‘e manu

non ti cures de isteddos chi non luchen 

curati de su sole caente e de sa luna 

gosa de sos mamentos bellos 

ascurta su coro de chie ti cheret bene 

senti semper sas intragnas tuas 

issas cumandan, t’inditan sos caminos zustos 

t’inditan sa bellesa, sa bia ‘e su sole 

“/”

non t’importes de sa morte, est pro totus 

pessa a sa bida, cuncordala, sutzali totu su chi ti dat 

carinnala e prenala de colores e de cosas bonas, 

de nuscos chi ti prenen sa mente e su coro 

jocatilu su mundu che pitzinneddu 

lassa su malumore e impara e cosas nobas 

provalas, irballa, ma fachelas semper mezus chi podes 

ca sa bida… est una furriada de manu. 

Babbu

Salude a totus

Presentada

Custu situ est una sintesi de su chi so. Una pessone aberta a cada tipu de negossiu politicu, economicu, culturale, sotziale. Una pessone sintzera e peri gentile si non mi segades sos butones. Una pessone onesta, difatis custa foto no est sa mea ma de una pessone de gabbale: Massimiliano Mele e l’apo dimandadu su permissu pro l’impreare.

Mi piaghet a ponner paris pessones, impresas, progetos. A su solitu m’andat bene, carchi borta andat prus pacu bene, ma chie non s’irballat carchi borta? Si fip’istadu perfetu non fip’istadu inoghe a peleare cun bois o no?

• Si tenides bisòngiu de unu cussigiu, de un’acunnortu, de informatziones, de allegria, bi so a custos numeros: +46(0)73 98 58 332 – +39 377 33 61 145
• Si tenides un’idea imprenditoriale de fagher in Sardigna o in su mundu bos ascurto cun piaghere e bos poto peri agiudare. Iscrivide-mi a custa mail: bobore.trabballu@gmail.com
• Si seis produtores de carchi cosa de bonu o de utile pro su mundu e la cherides bendere fora de Sardigna o in Sardigna nde podimus faeddare. Intante castiade inoghe: experiencesardinia.se
• M’agatades peri in cusso social maleditos de oe: Feisbuc, Instagram, Tikitoco, Telegram, Uotzapp.
• Si seis in cuntierra cun calicunu o calicunos e pessades chi poto mediare. in carchi manera, chircade-mi.
• Si bos intendides solos e perdidos in custu mundu infame mutide-mi.
• Totu custu, si mi dat allegria e felitzidade lu faco de badas, pro sas cosas malas bos apo a pedire carchi soddu.
• Si seis arribados a leghere fintzas a inoghe bos depo unu cumbidu:)